Talsmaður sendinefndar þýskra þingmanna sem stödd er hér á landi til þess að kynna sér aðstæður í tengslum við umsóknina um inngöngu í Evrópusambandið, Michael Stübgen, lét þess getið í samtali við Fréttablaðið í gær að Ísland væri kærkomið inn í sambandið af ýmsum ástæðum. Sagði hann það sérstaklega gleðilegt þegar ríki gengu í Evrópusambandið sem greiddu meira til þess en þau fengju til baka eins og raunin yrði í tilfelli Íslands.
Íslendingar greiddu meira til ESB en þeir fengju til baka |
||
|
Nær engar líkur eru á því að umsókn íslenskra stjórnvalda um inngöngu í Evrópusambandið verði tekin fyrir á fundi ráðherraráðs sambandsins síðar í þessum mánuði eins og til stóð. Þetta segja þýskir þingmenn sem staddir eru hér á landi til þess að kynna sér aðstæður í tengslum við umsóknina, en greint var frá þessu í kvöldfréttum Ríkissjónvarpsins í gær. 
Einn helsti sérfræðingur franska dagblaðsins Libération í Evrópumálum, Jean Quatremer, hvetur Evrópusambandið til þess að hafna aðild Íslands að sambandinu í nýlegum pistli á heimasíðu sinni en síðan er mikið lesin af stjórnmálamönnum og embættismönnum sambandsins. Quatremer segir ljóst að Íslendingar vilji ekki í Evrópusambandið, inngöngu landsins yrði örugglega hafnað í þjóðaratkvæði og það fæli í sér hættu á álitshnekki fyrir sambandið að halda ferlinu áfram.
Forystumenn í hollenskum stjórnmálum hótuðu því í gær að beita sér m.a. gegn umsókn íslenskra stjórnvalda um inngöngu í Evrópusambandið ef Íslendingar færu ekki eftir "alþjóðlegum skuldbindingum sínum" í Icesave-deilunni. Komst meirihluti neðri deildar hollenska þingsins að þeirri niðurstöðu að innganga Íslands í sambandið kæmi ekki til greina að óbreyttu. 
Í umræðum í utanríkismálanefnd Evrópusambandsþingsins í gær lýstu fulltrúar á þinginu yfir áhyggjum sínum af því hversu lítill stuðningur væri við það á Íslandi að ganga í Evrópusambandið. Skírskotuðu þeir til skoðanakannana sem bentu til þess að aðeins þriðjungur Íslendinga styddu inngöngu. Ef afstaðan á Íslandi breyttist ekki væru tveir möguleikar í stöðunni, annað hvort að Íslendingar greiddu atkvæði um það hvort halda ætti umsóknarferlinu áfram eða að því yrði einfaldlega hætt.Tengt efni
Vissir þú
| Aðildarviðræður taka tvö ár og að þeim koma tugir sérfræðinga, lögfræðingar, ríkisstjórn, utanríkisnefnd, álitsgjafar ofl. Þessu fylgja mikil ferðalög til Brussel og annara landa til að afla sjónarmiðum okkar fylgis. Kostnaðurinn er talin liggja á bilinu 500-800 milljónir kr. |
Heimssýn, samtök sjálfstæðissinna í Evrópumálum
Hafnarstræti 18 | 101 Reykjavik | Sími 551 9800 | Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.
Hafnarstræti 18 | 101 Reykjavik | Sími 551 9800 | Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.
